صح ... برد ...؟!
تعالي ...!
نزرع رمال الجفى
ورد ...
ونقتل الهجر الطويل
بخنجر وفى
ونلعب مثل كل الصغار ...
وإلا ضوانا الليل
نحلم بالدفى ...
ونتلحف لحاف الغرام
وندفى
وتدفى قلوبنا ... طهر ... ونقاء
والحب يرقد بالدفى ...!
بأقصى الصدر
***
تعالي ...
نجمع زهور الربيع
خزاما
ونفل
ونجلس جميع
طفلة ... وطفل
ونكتب أسامينا خطوطٍ في رمل
والبرد يلعب بيننا
وخدودنا تقلب حمر
حلو الصقيع
بالذات اذا كنا جميع
وحلو الربيع
كلش خضر
***
تعالي
نشم نسناس الهواء ...
نسولف سوى ...
وأعطيك مافي خاطري
وأشرب من عيونك دواء ...
وأرقد على ذاك الحصير ...
وأنا مارويت ...
وينام قلبي ماروى ...
وأنتي تناجين القمر ...
ويعلمك وشهو الهوى ...!
و وشهو الوصل ...!
ووشهو الهجر ...؟!
***
تعالي ...
الله ياضحكت شفاك ...
يادمها ...!
ياهو حمر ...
الله ما أعظم وفاك ...
بس الهوى ليله طويل ...
وكله ظلام ...
وسماه مافيها قمر ...
ولا نجوم
والشمس غطاها الرماد ...
بس أنتي ...
شمسي ... والقمر ... وكل العمر
وأنتي النجوم
وأنتي الفجر
***
تعالي
والله ياعندي لك كلام ...
وعشق ... وشقى ...!
وبحور من حب ... ونقى
وكلي وله
وشيءٍ يسمونه هيام ... عيى يخليني انام
بس أنتي لو قلتي أحبك ...
ضاعت علوم ...
وتحققت كل الحلوم ...!
وهذا يهنيني بهواك ...
وهذا يلوم ...
الله ياحلو الهوى
لوقلتي أحبك ...
ويش أقول ...؟!
فعلاً ياسلام
وينثر سحاب العشق لعيونك
مطــر ...!
***
تعالي
أقول لك شيء ...؟!
البارحة مانمت ...!
وأنتي عارفة ...
كنت أنتظر شيءٍ يجي ...
كنت أرتجي ...
إلين بان النور ... وأجهر غرفتي ...
ثم إنعكس بمرايتي ...
وزاد الوله ...
وعرفت مالي بك أمل ...
وعرفت حلمي ماكمل ...
ناقص نهاية سالفة ...
وهي الجفى
وقل الوفى
ونورٍ لمع لحظة وهفى ...
وأنا على جال الغدير
عطشان ...
والما ماكفى ...
وأنتي بدفى
وأنفاسك العذبة عطر
الله ياحلو الحضن
دفى ... دفى ... دفى
وكلك على بعضك حضن
