تبسم
وإندفق في شفته ... حمار دمه
والهوى توت
والكرز يلعب على مردوع فمه
وآنا أموت ...
والغلا يضحك ولايدري بهمي
ولا همه
قلت
" عطني ...! "
قال لي
" المعطي الله ... "
وصد عني
وصحت به من حرةٍ بي
صحت له في كل حيلي ... صحت قوّة
وماطلع صوت ...؟!
والله حالة ...!!
وقام يضحك
وإبتلشت بخف دمه ...
والقهر دمه عسل ... وشفااااه توت
والكرز ينبت بـ فمه
وضحكته موووت
قلت له
" بعطيك عيني"
قال
" لااا ... موب لآآزم ... خلها والمعطي الله
عندي عيون المها ... إحفظ عيونك ... "
قلت
" أنا بطلت عشق
مابي دروب الغرام
بهجر العشق ... وطريقه ...! "
وقام يضحك
وقال
" يمه ...!! "
وإنهزعت بـ كف يدي ...
وطَرّ كفي راس كمه
قال
" من حظك لمست أكمام ثوبي
كفك اللي ناش كمي ... بس شمه "
ويوم أشمه ... دخت كلي
وحق من سوى شفاته
دار راسي ...
لاهو مسك ...
ولاهو عنبر ...
أو دهن عود ... لالا ... لا ... شي ثاني
مايجي الا بالـ بنات
قلت
" وش عطرك حبيبي ...؟!
قل لي إسمه
ياهو قِمة "
قام يضحك لي
ويغمز لي بعينه ...
قال
" هذا موعطر
اللي بيدينك عرق كفي ... وسَمّه ما تسَمّه "
قلت
" يا سِيدي أحبك
فدوة عيونك حياتي "
قال
" لالا
لا تناديني ياسيدي
ولو مصمم قل يا عَمه "
قلت
" ... عمة ...؟!
الا عمة
ثم عمة ثم عمة
هذا دربي اللي مشيته
في هواك
واهتويته
وغصب أتمه "
ونفضت مجدولها قدام عيني ...
وش هالاشقر ...؟!
والهواء هب ...
وإنتثر قدام عيني ...
آ... ياعيني
قلت
" وش رايك ألمه ...؟! "
قال
" أول لِم نفسك ... ثم لِمه ... "
وإبتسم لي
وبان ذاك الناب الأبيض ...
وساق فيني كل سمه ...
قلت
" سمك ساق بعروقي ... وسقاني ... "
قال
" باقي شوي ... ماقد جاك كله "
قلت
" ... تكفى
ثم تكفى
ثم تكفى
إن بقى بك سم بـ عروقي تتمه ... "
قال
" أبشر
أنت تآمر "
ومال في خصره وطحت
وهز تفاح الهوى ... والغصن كله ...
ثم قمت
وحط كفه على كفي
ثم طحت
ولمس شفاهه بيده
ثم قمت
قال
" كافي ...؟! "
قلت
" لا ...!! "
قال
" وش رايك بـ ريقي ...؟! "
قلت
" هآه ...؟! "
وحط فمي جنب فمه
ومدري وش صار ...؟!
صار لون الدنيا وردي
والسماء خضراء
والعصافير ريشة حمراء وريشة موف
وضحكته وردي بـ فوشي
وانتفظت
قلت
" قلبي من وسط صدري طلع "
قال
" ضُمه "
قلت
" منهو...؟! "
قال
" قلبك "
قلت
" حاضر ...
بس ليش ...؟! "
قال
" هذا من سم الهوى اللي بك دفقته
هذا هو ناب الهوى "
قلت
" والله ...؟! "
قال
" والله "
قلت
" ياحلو ناب الغرام ...
وحلو سمه "
