يائه ... وسينه ...!
وكحل الليل في عينه ...!
وجدايلٍ كنها بالمسك تستمطر ...!
والله يعينة ...!
وتوه بأول سنينه ...!
مايدري إن الهوى في حافته خنجر ...!
ويرعى فياض الوله
بقصى بساتينه
وياطى برجله على الوردة
ويتعثر
فرحان فيني
فديت شفاه وإيدينه ...!
يوم إبتسم لي
قطر من شفته عنبر ...!
مثل البدر بالسماء
ويني ... وهو وينه ...؟!
معقود ريقه سكَّرْ من حلوه السكَر ...!
توّه صغيّر
ووش ملحه
ووش زينه ...!
وإن مالقى عطر ... يعرق ثُم يتعطر...!!
فديت عينه
عسى الأيام تمهي له ...!
ومن الحيا ورد خده دايماً أحمر
ياحلو خطه ...
يخط إسمي بمنديله
روعة حروفه هبال بكفه الأعسر
ولايتحمل إلا من قمت أنا أشكي له
يفرك كفوفه قهر ...
ويبكي ويتعبر
ريحة عباته جنان
وريحة الشيلة ...!
هاالآدمي غير
ومهما قلت أنا مقصر
أكتب قصيدي
على صوته ... وتلحينه...!!
وأقوم أغني
وهو سرحان ... ويفكر...!!
وإن قال لي
آهـ ...
قلت أفداك بالشينة
وإن قلت له
آهـ ...
يضحك لي وانا أتخدر
ناعم هواوي ...
وكل الناس مغلينه
يذوب من حرف ...
ومن كلمة غلا يسهر
حساس بالحيل
لوأقول ماحبه ...
يضيق صدره
ويتعكر ... ويتكدر
دلوع مرّه ...
ودلاله فيه من حينه ...!!
إن قام من جلسته تخاف يتعور ...
بنات حيه يحبنه ...
ويغلينه ...!
إلا جلس بينهن بدر الدجى نوّر